Maati kudum karendi yaar

Maati kudum karendi yaar

vaah - vaah maati di gulzaar

maati ghoda, maati joda

maati da aswaar

maati maati nu daudawe

maati da khadkaar

maati maati nu maran laggi

maati de hathiyaar

jis maati par bahut maati

so maati hankaar

maati baagh bageecha maati

maati da gulzaar 

maatyi maati nu vekhan aayi

maati dee ae bahaar

has khed phir maati howae

saundi maaun pasaar

bullaha eh bujharat bujjhen

taan laah siron bhuin maar

Maati ki uchhalkood 

yahan sant Bulleshah ji behad marmik dhang se maati athaart is deh ke baaren me kahte hue kah rahe hain ki 

jeevan ka uddeshaya vyakti ka apne aham ko bhulaana aur doosron ki sewa karna jab hoga tabhi is maati,is deh ki sadupyogita hai..

maati uchhalkood rahi hai mitra.Is maati ki raunak bhi kya khoob hai.

Maati ka ghoda hai,us par maati ka hi jhol hai aur maati ka hi sawaar hai.Maati ko maati hi dauda rahi hai.Maati ka hi koda hai aur uski chataakh awaaz bhi maati ki hi hai.
Maati ko maati peet rahi hai.Uske hathiyaar bhi maati ke hi hain.

jis maati ke paas kuch adhik hi maati hai,use vyarth ka ahankaar ho jata hai.Yah baagh bageecha bhi maati ka hai.phoolon ki kyaari bhi maati ki hai.

Maati hi maati ko dekhne aayi hai,ye saari raunak maati ki hi hai.Sansaar ke bhautik anand lootkar manushya punah maati ho jata hai.Aur paanv pasaarkar mritu ki goad me so jata hai.Bulleshah kahta hai ki is paheli ko samjhna chahte ho to sara bhojh sir se utaarkar dharti par rakh do.sab kuch mitti se hi bana hai,aur vyarth ka ahankaar badhaane ke baad bhi antatah vyakti ko maati me hi mil jana hai.